Dore bimwe utaruzi ku kinyobwa cya coca cola

Coca cola ni ikinyobwa gikorwa n’urwengero rumwe muzikomeye ku isi , iki kinyobwa ntabwo gisindisha cyiboneka mu bwoko bwa za soda cyangwa se ibinyobwa by’amasukari bidasindisha ariko birimo gaze(gas).

iki ikinyobwa gikunzwe n’abatari bake ku isi yose kuko harimo n’abagerageza kukireka bikanga. Usanga kifashishwa ahantu henshi hatandukanye mungo zabo no mukazi, ndetse no birori bitandukanye cyane cyane aho uru ruganda rwa coca cola rusa nk’urwabaye umutera nkunga. Kunywa iki kinyobwa ntibisaba kuba ufite nyota iyo kimaze kwigarurira umutima wawe kubera akamenyero. Ikindi kandi uko harushaho kuboneka amatangazo yamamaza coca cola bituma abatari bake bayibonamo ibushobozi bwo gutanga ibyishimo.

Kuva mu mwaka w’1886 coca cola ibonye izuba kugeza uyu munsi turyohewe nayo tutari bake ariko na none ukuri ku bintu biyikora ntabwo kuzwi uretse John Pemberton wayivumbuye n’abandi bake bakorana. Ibanga ry’ibigize coca cola ni rimwe mumabanga arinzwe kurusha ayandi ku isi mubirebana n’inganda.
Kuki banyiri uruganda rumwe muzikomeye ku isi bahishe mubyo bakora, ni mpamvu ki ibara ryijimye rya coca cola bataryandika ku icupa ryayo . Byagizwe ibanga abakunzi b’iki kinyobwa gikunzwe n’abatari bake ntibazi icyo cocacola ikozemo, Ba nyir’uruganda bavuga bimwe ibindi bakabiceceka.

Hari benshi bagerageje gushaka impamvu iki kinyobwa ntawukinywa rimwe gusa ntabure kumva yazajya ahora akinwa buri munsi dore ko no ku icupa ryayo hatariho amakuru ahagije,

Ugerageje gusura ku cyicaro gikuru cya coca cola kiri Atlanta muri Leta Zunze Ubumwe z’ America, uhasanga inzu ndangamurage itaka gusa iki kinyobwa mu nyandiko n’amafoto byose bigamije gusobanura ibyiza bya coca cola, muri iyi nyubako niho rukumbi wasanga forumile cyangwa se inzira coca cola ikorwamo ariko birarinzwe ku rwego rwo hejuru.

Nta bantu benshi bazi ikintu kiri muri coca cola igituma amacupa n’udukombe miliyali 2 twa coca cola tunyobwa buri munsi. Mu bigize coca cola harimo alcol(ibinyobwa bisembuye), indimu, amacunga, nibyo bita koriyandire, acide citique, cafeyine (ni ikiyobyabwenge), habamo n’ibibabi bya coca igihingwa gikorwamo ikiyobyabwenge cya kokayine. Ibi byose ni byo bigize ikinyobwa cya coca cola.

Hari bumwe mu bushakashatsi bwakozwe bwagaragajeko isukari iba muri cocacola ari uburozi, mu gakombe kamwe ka cocacola harimo garama 39 z’isukari bingana n’utuyiko icumi duto tw’isukari .Ngiyi impamvu uwanyoye coca cola bitoroshye kuyivaho kuberako isukari hari igice cy’ubwonko ikoraho, buriya buryohe hari agace k’ubwonko bwigarurira ku buryo kuyireka bitorohera uwayinyoyeho. Usanga aka gace k’ubwonko ari nako kibasirwa na Nicotine ku banywatabi cyangwa se kokayine, amorivine, ketamine na kafeyine ibi k’uwabinyoye bituma ahora abishaka.

Ku mwana w’imyaka 10 bituma agira ibinure nk’ubyu muntu mukuru ufite imyaka 65 akaba yarwara n’indwara zafata uyu muntu ugeze muri iyi myaka. Udufu dushyirwa muri cocacola dutuma ihindura ibara byamaze kwemezwa ko harimo kanseri. Coca cola kandi yongera umubyibuho ukabije.

Source: http://metro.co.uk

Ismael Kayishema@Agakiza.org