Menya uko warinda uruhu rwawe niba urwaye diyabete

Indwara ya diyabete cyangwa igisukari ni indwara mbi cyane kuko akenshi idakunze gukira.Ibaho igihe urwagashya rutari gukora neza imisemburo ishinzwe kuringaniza isukari mu mubiri .kwita ku ruhu rwawe bikaba igisubizo gituma ukomeze kugira ubuzima bwiza.

Ubushakashatsi bwagaragajeko 1/3 cy’abantu barwaye diyabete bakunze kugira ibibazo ku ruhu bitewe n’imiterere y’imibiri yabo, ibi bibazo byose bikaba bishobora gukizwa n’uko buri munsi uyirwaye yita cyane ku ruhu rwe.

Iyo umuntu urwaye diyabete atitaye ku ruhu rwe neza, udutsi dutembereza amaraso iyo twangiritse bitera ingaruka nyinshi harimo n’urupfu, uko kandi amaraso atembera gake mu mubiri cyangwa isukari ikaba nke bishobora gutuma ibikomere ufite bidakira neza kandi bikongera amahirwe yo kwandura izindi ndwara zitandukanye(infection).

Izi ni zimwe mu nama zagufasha kurinda uruhu rwawe niba urwaye diyabete:

1. Gabanya isukari mu mubiri

Iyo isukari yabaye nyinshi mu mubiri itera ibibazo bikomeye cyane. Ishobora gutuma uruhu rwawe rwumagara rugasaduka ,ibi bigatuma ushobora kugira ubwandu(infection).uretse kuba wa kwandura izindi ndwara, isukari nyinshi mu mubiri ituma umubiri utabasha guhangana n’indwara zishobora kuwibasira.umurwayi wa diyabete asabwa kwisuzumisha isukari afite mu mubiri kugirango amenye uko ahagaze kandi arinde ubuzima bwe.

2. Genzura umuvuduko w’amaraso ufite(blood pressure).

Abantu barwaye diyabete baba bafite ibyago byinshi byo kugira umuvuduko w’amaraso ukabije,ibi kandi bikagira ingaruka ku ruhu no kubindi bice by’umubiri.Kubera uruhu aricyo gice kinini kigize umubiri,rushobora kwanduzwa na buri kintu cyose gishobora kwangiza ubuzima .

Umurwayi wa diyabete ufite ikibazo cy’umuvuduko w’amaraso asabwa gufata imiti neza, umuvuduko ukaba wagabanuka n’amaraso agatembere neza mu mubiri akaba yagira ubuzima bwiza.

3 . Irinde koga amazi ashyushye cyane

Koga amazi ashyushye cyane ku muntu urwaye diyabete ni bibi kuko bishobora gutuma uruhu rwawe rubabuka cyane ku ntoki no kubirenge.gerageza amazi ashyuhe ku kigero cyo hasi kandi ntukwiye kurenza iminota 10 cyangwa 15 uri mu mazi.

4. Wikoresha amavuta yo kwisiga kenshi

Kwisiga amavuta ku mubiri ni ingenzi kuko birinda uruhu kumagara .ushobora kuyakoresha ku bice bimwe na bimwe bishobora kuma nk’amaguru,amaboko, mu mugongo.Abarwayi ba diyabete ntibakwiye kwisiga buri mwanya kandi bagomba kugura amavuta yisigwa n’abarwayi ba diyabete cyangwa bakaba bayandikiwe na muganga.Ntibakwiye gusiga hagati y’amano kuko ho hadakeneye kuba hahehera.

5. Sukura kandi uhanagure neza uruhu rwawe.

Mu gihe ushaka ko bimwe mu bice by’umubiri wawe bigaragara neza ,ni ngombwa koga neza ,wava koga ugahanagura neza umubiri ukumuka ukabona kwisiga amavuta.iyo habayeho kwisiga utumutse neza bishobora gutuma umubiri wandura indwara zitandukanye.

6. Nywa ibinyobwa byinshi

Amazi cyangwa ibindi binyobwa bitarimo ikawa cyangwa isukari ni ingenzi ku muntu urwaye diyabete kuko birinda uruhu rwawe rukamererwa neza.
Abashakashatsi bagaragaje ko abantu bakuze banywa uturahuri 4 cyangwa 8 ku munsi,byatumye batagira isukari nyinshi mu mubiri kurusha abanywa make ku munsi. Kumagara mu mubiri cyangwa kubura amazi mu mubiri byongera ikigero cya hormone ituma isukari iba nyinshi.

7. Rya ibiryo bifite intungamubiri.

Ibi bisobanuyeko ugomba gufata ibinyampeke,ukirinda ibiribwa bitera umubyibuho,ukarya cyane imbuto n’imboga.Wirya imbuto zisa nk’izumye ahubwo ugerageze gushaka izikiri nshyashya.

8. Gabanya gukoresha ibintu bikorerwa mu nganda

N’iyo yaba isabune,gura ibintu bitagira ingaruka ku mubiri wawe.Bamwe bakunze kugira allerigi iyo bakoresheje bimwe mu bituruka mu nganda.Niba urwaye diyabete ukwiye kugabanya gukoresha ibintu bivuye mu nganda yaba ibyo kurya cyangwa ibindi bihakorerwa.

8. Genzura ibirenge byawe buri munsi

Ibirenge ni igice cy’umubiri gishobora kwangirika vuba,biroroshye cyane kuba bya byimba,byagagara cyangwa bigakomereka bya hato na hato.kugira ho ibikomere bishobora no gutuma habaho kwandura n’izindi ndwara.

Abantu barwaye diyabete bakwiye guhora bagenzura ibirenge byabo mbere y’uko bajya kuryama bakareba ko ntampinduka yabaye.kugirango wirinde ibibazo bitandukanye ukwiye koza ibirenge byawe n’amazi y’akazuyazi ukabihanagura neza cyane cyane hagati y’amano ubundi ukabisiga amavuta ariko ukirinda gusiga hagati y’amano.Niba ufite igikomere kikiri gishya kandi kiva ukabona kidakira neza,ushobora kujya kureba umuganga ubizobereyemo akagufasha.

Diyabete ni indwara mbi cyane iyo utitaye ku mubiri wawe uba ufite ibyago byinshi byo kwandura n’izindi ndwara zitandukanye. Niba umuntu uyirwaye afite igikomere ku mubiri akwiye kucyoza neza cyangwa akaba yagana abaganga mu gihe akomeretse,ahiye,cyangwa yumva afite umuriro udasanzwe. « Gushaka ubuvuzi bwihuse ni igisubizo mu gukomeza kugira ubuzima bwiza. »

Source : www.health.com

sophie@Agakiza.org