Ni ibiki bishobora gufasha ubwonko kurushaho gukora neza?

Ubwonko ni igice gifitiye akamaro kanini umubiri w’umuntu. ubwonko kandi ushobora kubutegurira gutekereza neza cyangwa nabi, niyo mpamvu twabateguriye ibintu ushobora gukora ubwonko bwawe bukaguma butoshye mbese butekereza neza.

Ubwonko twabugereranya n’itungo bita ingurube, Ntubifate mu buryo bufutamye rwose nibyo, ubwonko ikintu cyose burakira nta kintu na kimwe busubiza inyuma byose burakira. Yaba ari ibyo dufungura yaba ari ibyo tubona ibyo dukoraho ibyo dutekereza….

Impuguke mu bumenyi bw’ubwonko Cynthia Green,we ubwe yatangaje ko amafunguro ya buri munsi dufata agira uruhare runini mu mikorere y’ubwonko bwacu, agafasha mu buryo dutekereza
Imbaraga ubwonko butanga si izo kumitekerereze gusa ahubwo bufasha no mu marangamutima yacu, ubwonko buzima kandi bufasha mu mihindagurikire y’amarangamutima yacu cyangwa ibyo duhura nabyo bitunguranye.

None n’iki ubwonko bwacu bukeneye kugirango bukore akazi kabwo kandi bukore neza?

Ikintu cy’ingenzi ubwonko bukenera ni iyi vitamin yitwa Omega-3. Ifasha kugira ubwonko bushishe kandi butekereza neza
Ikindi n’amavuta aturuka mu mafi, afasha kugirango ubwonko buhorane imbaraga budacika intege.

Ubwonko kandi bukenera Vitamine A: ushobora kuyisanga mu muhondo w’igi, ibintu byose bikoze mu mavuta y’inka, amata, amafi, ibinyamavuta, imboga z’icyatsi cyangwa z’umuhondo, izi zo zinafasha amaso kureba neza cyane cyane nijoro.

Vitamine C:
harimo imboga rwatsi, inyanya, ibijumba,indimu bifasha amagufa kumera neza ndetse naho ingingo zihurira, amenyo akomeye atarwaragurika, ishinya imeze neza, ikanarwanya kandi indwara ziterwa n’umwanda (infection)

Vitamine E: harimo amavuta aturuka kubimera, ibinyampeke, imboga rwatsi z’ibibabi, ndetse n’ amafi bifasha abasirikare b’umubiri gukora neza.

Rero kubw’ibyo ntakindi kintu na kimwe wakorera ubwongo bwawe ngo bubashe gukora neza uretse gufata amafunguro meza akwiriye kandi afite isuku.

Umumararungu claire@Agakiza.org