Yesu aho ageze ibintu birahinduka/Ev. Francois NTAKIRUTIMANA

Mu buzima busanzwe, mu bihugu byose iyo umuyobozi w’igihugu cg umwami w’ubwami runaka iyo ateganya kujya ahantu hari ibintu bikorwa byo kubugabunga umutekano ndetse aba yiteguwe muburyo bwo hejuru n’abatuye muri ako gace azasura Ni ukuvuga ko aho uwo muyobozi ageze ibintu bihinduka.

Reka turebere hamwe Umwami w’abami ugera ahantu ibintu bigahinduka ni nde mu buzima bwacu:

Iyo urebye kuva mu Itangiriro kugeza mu byahishuwe uhasanga umugambi mugari w’Imana wo gucungura umuntu nyuma y’aho umuntu akoreye icyaha .

Reka turebe bamwe mu bahanuzi bahamije gukomera kwa Kristo Yesu :

- Baramu ati ndamureba ariko si ubu ndamwitegereza ariko ntandi bugufi. (Kubara 24:17)
- Yesaya yamuhanuyeho cyane uhereye mugice cya 7 ariko ageze mu gice cya 9:5 aramuvuga neza uwo azaba we .
- Mika nawe avuga ku mutegetsi uzakomoka i Betelehemu Mika 5

Uko Yesu umufashe niko akumerera kandi ibyo twizera nibyo tuba byo .

Nigeze kuba ndikwigisha mbaza abantu nti Yesu ni muntu ki ?Bamwe bati
* Ni umugabo wabaye hano mu isi hashize imyaka irenga 2000
* Ni umwigisha n’umuhanuzi
* Ni se w’imfumbyi ndetse akaba umugabo w’abapfakazi
* Ni umufasha utabura kuboneka mu byago no makuba
* Ni incuti nziza
* Ni Umwami w’amahoro
* Ni umucunguzi

Imana ubwayo yasobanuye Yesu uwo ari we:

Yesu amaze kubatizwa ijwi rituruka mu ijuru rivuga riti « Nguyu umwana wanjye nkunda nka mwishimira.”( Matayo 3:17) Imana yongera kubihamya ubwo Yesu mu maso he harabagiranaga akabonana na Mose na Eliya, Imana iravuga iti “Nguyu umwana wanjye nkunda mu mwubahe .

Yesu abaza abigishwa be ati abantu banyita nde ? Bamwe bagira ngo ‘Yohana umubatiza, Eliya, Yeremiya cg uri umwe mubahanuzi ariko Petero aravuga ngo uri Kristo Umwana w’Imana ihoraho’.( Matayo 16:16 )

Ese Yesu yavuze ko ari nde ? Uburyo 7 Yesu yavuze uwo ari we :

1.Ninjye Mutsima w’ubugingo .(Yohana 6:35)
2.Ninjye Mucyo w’isi .(Yohana 8:12)
3.Ninjye Rembo .(Yohana 10:9)
4.Ninjye Mwungeri mwiza.( Yohana 10:11)
5.Ninjye Kuzuka n’ubugingo.( Yohana 11:25)
6.Ninjye Nzira n’Ukuri n’Ubugingo.(Yohana 14:6)
7.Ninjye Muzabibu. (Yohana 15:5)

Yesu aho ageze ibintu birahinduka ndumva twese twumvishije Yesu cyane mbere yo kuvuga uburyo ahindura ibintu .

Yesu yageze kwa Zakayo ibintu birahinduka. (Luka 19:1-10):
Mu buzima busanzwe Zakayo yari umukoresha w’ikoro, twamugereranya na Komiseri w’imisoro. Uyu mugabo yari umunyacyubahiro usibye ko yajyaga yaka abantu ibirenze ibyo yarakwiriye kubaka. Hanyuma yumva inkuru za Yesu zimutera amatsiko yo kumubona yiyambura cya cyubahiro yarafite yurira igiti ashaka kureba Yesu .Yesu ahageze aramubwira ati ururuka Zakayo kuko nkwiriye kurara iwawe ,ahageze ahindura ibintu uwari umwambuzi ati “Uyu munsi ninjye ufasha abakene kandi uwo nambuye ndamuriha kane. Urumva ko Yesu iyo wamwereye aguhindura.

Yesu ageze kwa Lazaro ibintu byarahindutse uwari umaze iminsi ine mu gituro arazuka: Ubundi mu bayuda ntabwo bemeraga ko umuntu wapfuye yazuka. Kuko Yesu yari yarigeze kuzura abantu benshi ariko kubera yababwiraga ngo babyuke , Abayunda bo bagira ngo basinziriye ariko babaga bapfuye .Umwe yari umukobwa wa Yayiro undi ari umuhungu w’umupfakazi .

Yesu yumvise ko Lazaro yarwaye yabaye nk’utabihaye agaciro kugira ngo agaragaze imbaraga z’Imana zizura n’abamaze igihe barapfuye, ajyayo hashize iminsi ine ari mu gituro yaranutse .Yesu ahageze ibintu birahinduka aramuzura. Yesu arakomeye

Yesu ageze kwa Sawuli ibintu byarahindutse uwari umugome warenganyaga atangira kuvuga izina rya Yesu : Sawuli uyu yari umunyedini kandi wabyigiye ariko utarifuzaga inyigisho z’inzaduka cyangwa inyigisho batari basanzwe bakoresha mu idini ya Kiyahudi. Ari mu nzira ajya kurwanya abavuga izina rya Yesu amufatira mu nzira aramuhindura ,Yesu amugira umukozi w’iby’inzira y’agakiza mu banyamahanga.

Yesu aho ageze ibintu birahinduka yageze mu rusengero ibintu birahinduka asanze bararuhinduye iguriro arabirukana. Yesu aho ageze ibintu birahinduka .

Francois @agakiza.org