Dore akamaro k’igikakarubamba ku buzima bwawe

Igikakarubamba ni kimwe mu bihingwa biboneka henshi ku isi ndetse cyakunze gukoreshwa cyane mu myaka ya cyera bagikoresha nk’umuti uvura indwara zitandukanye gusa ikibabaje nuko benshi batari bazi ubwiza bwacyo
Ni muri urwo rwego rero twifuje kubagezaho bimwe mu bintu by’ingenzi igikakarubamba gifitiye umubiri w’umuntu

Umutobe w’igikakarubamba ni ingirakamaro cyane mu mubiri w’umuntu kuko wibitseho vitamine zitandukanye zirimo A, B, C, E, Acide folique, Calcium nkeya, Cuivre, chrome, sodium, sélénium, magnésium, potassium, manganèse, ndetse na zinc.

Uretse ibyo kandi abahanga mu by’ubuzima bavuga ko igikakarubamba ari isoko nziza ya vitamin B12

Iki gihingwa kandi gifite amazi ahagije muri cyo ari nabyo birinda uwanyoye umutobe wacyo bigafasha impyiko ndetse n’umwijima kugubwa neza bityo umuntu akihagarika bitagoranye

Niba wifuza kugira ubuzima bugira umuze rero ugafasha umubiri wawe guhorana amazi ahagije ndetse ukagira na za ntungamubiri twavuze haruguru, koresha igikakarubamba buri munsi

Ese ni iki wakoresha ngo ukore umutobe w’igikakarubamba?

Mu gukora umutobe mwiza w’igikakarubamba ufata:
Ikibabi kimwe cy’igikakarubamba
Ikirahuri kimwe cy’amazi ndetse n’
Ikiyiko kimwe cy’ubuki ubundi ukabivanga ubundi ukajya ubinywa buri munsi

Uretse ibyo kandi igikakarubamba cyifitemo ubushobozi bwo gukuza umusatsi ku bagira umusatsi udakura neza

Ku bifuza kugira uruhu rwiza kandi runoze na bo bashobora kwifashisha igikakarubamba nkuko ubushakashatsi bwakorewe mu gihugu cy’ubudage mu mwaka wa 2008 bwabigaragaje aho umuntu ashobora gufata ml 100 z’umutobe w’igikakarubamba ukavanga n’utuyiko 3 tw’amazi ubundi ukisiga ku ruhu rwawe aho wifuza ko hagira umubiri mwiza

Ikindi nuko igikakarubamba ari cyiza cyane ku bantu bafite ikibazo cyo kunanirwa kwituma ndetse kigabanya isukari mu mubiri
Niba wajyaga ukibona ntukiteho cyangwa se ukanga kugikoresha kubera ubukana bwacyo, menya neza ko ari isooko nziza ya vitamin zifitiye umubiri akamaro

Src: healthline.com