Ibyo John Wesley washinze itorero ry’Abametodisite yasize akoze

"Icyiza muri byose ni Imana, iri kumwe natwe" ni interuro yavuze bwanyuma agiye kwitaba Imana,interuro itazibagirana mu mateka y’ubutumwa Bwiza mu isi,by’umwihariko mu bamethodiste.

Uyu Wesley wabaye impirimbanyi y’ivugabutumwa,ububyutse bugakwira mu bwongereza no muri America, ni muntu ki? Bivugwa ko ngo imitungo yaba yarasize ari isomero ry’ibitabo, ikanzu ye yambaraga n’Itorero rya Metodiste.

Mu 1703 nibwo John wesely yabonye izuba, yavukiye Epworth, ku birometero 37 mu majyaruguru y’uburengerazuba bwa Lincoln,mu burasirazuba bwa Midland y’Ubwongereza.Wesley ni umwe mu bana 15 babyawe na Samuel Wesley n’umugore we Susana Wesley. Ababyeyi ba John Wesley bari barabaye abayoboke b’Itorero ry’abangirikani bakiri bato. Kimwe no muyindi miryango myinshi y’icyo gihe, ababyeyi ba Wesley bashyize abana babo mu mashuri hakiri kare. Byari byitezwe ko bamenya Ikilatini n’Ikigereki kandi bakiga igice kinini cy’Isezerano Rishya muri bibiriya.

Mama wa John wesely yagombaga kubanza gusuzuma buri mwana mbere yo kurya saa sita na mbere yo gusenga nimugoroba, ngo amenye neza ko ibyo bigishijwe babifashe. Abana bose ntibari bemerewe kurya mbere y’igihe. John wesely yagombaga kugirana ikiganiro cyihariye na mama we umugoraba umwe mu cyumweru , kibandaga k’ubuzima bwe bwo mu mwuka, ibi kandi byakorwaga no ku bavandimwe be bose. Mu 1714, afite imyaka 11, John Wesley yoherejwe mu ishuri rya Charterhouse i Londres Na Christ church, oxford. aho yahabaye agerageza gushyira mu bikorwa ibyo yatojwe byerekeye ubuzima bw’umwuka.

Nyuma yaho Wesley yatorewe kuba umunyeshuri wa Lincoln College, Oxford mu 1726, yagizwe umukuru w’itorero ry’abangilikani nyuma y’imyaka ibiri. Yayoboye kandi "HolyClub ",umuryango washinzwe hagamijwe kwiga no gukurikirana ubuzima bwagikristo bw’abakristo ; uyu muryango wari warashinzwe na murumuna we, Charles.

Ivugabutumwa rya Wesley muri savanna mu ntara ya Jeworujiya

Ku ya 14 Ukwakira 1735, Wesley na murumuna we Charles bafashe ubwato bajya i Simmonds bava i Gravesend muri Kent berekeza i Savannah mu Ntara ya Jeworujiya muri koloni y’Abanyamerika babisabwe na James Oglethorpe, wari washinze iyo koloni mu 1733 mu izina ry’abashinzwe umutekano. Ishirwaho rya Koloni ya Jeworujiya muri Amerika. Oglethorpe yifuzaga ko Wesley yaba umuyobozi wa paruwasi ya Savannah yari imaze gushingwa, muri uwo umujyi mushya niko James Oglethorpe yabyifuje.

Mu rugendo rugana muri iyo koloni ni bwo Wesleys yahuye bwa mbere n’abimukira bo muri Moraviya. Wesley yakozwe ku mutima no kwizera kwabo kwimbitse n’uburyo bari bayobowe n’umwuka w’Imana. Ubwo bari mu rugendo muri icyo gihe,haje umuyaga mwinshi uhungaba ubwato buravunika.

Welsely yahaboneye imirimo itangaje y’Imana kuko mugihe abongereza bagize ubwoba, Abanya Moraviya bo bari batuje baririmba kandi basenga. Ibi byatumye Wesley yizera ko abanya moraviya buzuwemo n’imbaraga z’Imana Muri bo atigeza abona. Itorero abanya moraviya bari bafite ryari rifite kwizera kwihariye, nibyo byabereye imbaraga wesely mu kwamamaza ivugabutumwa rye.

Muri Gashyantare 1736, Nibwo Wesley yageze muri Koloni y’abanyamerika nkuko yari yatumijwe na James Oglethorpe, wayoboraga iyo koloni. Akimara kuhagera yagizwe misiyoneri ahongaho, Ahabwa kuba ukuriye iyamamazabutumwa muri Jeworujiya.Ibi nawe byamubereye amahirwe adasanzwe n’inzira nziza yo kuzana ububyutse aho,ndetse ubukristo bushinga imizi.

John Wesley muri Savannah

Nubwo intego ye y’ibanze yari iyo kuvuga ubutumwa mu banyamerika kavukire, ikibazo cy’ubuke bwabamufashaga umurimo,muriyo koloni yari nini cyamubereye inzitizi mu murimo w’ivugabutumwa ku bimukira b’iburayi muri Savannah.

Nubwo kandi hari abanenze ivugabutumwa rye ko ritatanze umusaruro ugereranyije nuko yari yitezwe,Wesley Ntiyacitse intege ahubwo yakusanyirije hamwe itsinda ry’abakristu bitangiye gukora umurimo w’ivugabutumwa, bagahurira mu matsinda mato mato y’imiryango ya gikiristo.ibi byatanze umusaruro kuko mugihe cy’imyaka igera kuri ibiri, bajyaga bahurira hamwe bagakora amateraniro,bagasangira, bagafatanya muri byose,bigatera ishema Wesley kuko bamwiyumvagamo nk’umushumba wabo aho muri iryo torero (Christ church).

Byageze aho ahura nikigeragezo mu murimo we,biza nogutuma bamushyiraho urubanza, ibi byaturutse ku mukobwa ukiri muto witwa Sophia Hopkey waje kumukunda cyane yifuza ko yamubera umugabo. Ibi uyu mukobwa ntibyamuhiriye,kuko nubwo Wesley yamwizeraga yibwira ko ari umuntu wuzuwemo n’umwuka wo gukorera Imana,akaza gutenguhwa nuko we yishakiraga gushinga urugo.

Ariko Wesley we ibyo kurongora Sophia yarabihakanye,kuko kuri we icyamuzanye muri geworojiya ari ugukora umurimo wa kimisiyoneri,kuzana ubutumwa bwiza mu banyamerika bakavukire ahongaho. Mukuboza 1737, Wesley yavuye muri koloni y’abanyamerica aho muri jeworojiya ,asubira mu Bwongereza.

Amateka atazibagirana yasize ahongaho,Byamenyekanye cyane ko kimwe mu bintu by’ingenzi byagezweho mu butumwa bwa Wesley muri Jeworujiya,ari ugusohora icyegeranyo cya zaburi n’indirimbo. Icyo cyegeranyo cy’indirimbo,niho havuyemo indirimbo ya mbere y’Abangilikani yasohotse muri Amerika, kandi ni cyo cya mbere mu bitabo byinshi by’indirimbo Wesley yasohoye. Harimo indirimbo eshanu yahinduye mu kidage.

Ubunararibonye Wesley yagiriye muri Aldersgate

Nyuma yokuva muri geworojiya muri koloni y’abanyamerica, Wesley yasubiye mu Bwongereza yihebye kandi bivugwa ko agezeyo yahahuriye n’akaga gakomeye aratotezwa,ndetse arakubitwa. Aha niho yifatanyije n’abanyamoraviya.

We na Charles bombi bahawe inama n’umusore w’umumisiyonari wo muri Moraviya, Peter Boehler, wari mu Bwongereza by’agateganyo ategereje uruhushya rwo kujya muri Jeworujiya. Wesley yamenyesheje "amateka ya ldersgate" yo ku ya 24 Gicurasi 1738, mu nama y’Abamoraviya yabereye ku muhanda wa Aldersgate, i Londere, aho yumvise isomwa ry’ijambo ry’ibanze rya Martin Luther ryandikiwe abanyaroma, ni ijambo bivugwa ko ryahinduye imiterere n’uburyo yakoragamo.

Nubwo John Wesley yari akihebye bitewe n’amakuba yagiriye aho,ku itariki ya 24 Gicurasi yagiye mu iteraniro rya nimugoroba. atanga ubuhamya bw’ibyamubayeho,byaje no gushyirwa mu nyandiko ze, ati "Nimugoroba nagiye ntabishaka njya ku muhanda wa Aldersgate, aho umuntu yasomaga Ijambo ry’ibanze rya Luther ku ibaruwa yandikiwe Abanyaroma. Hari nka saa moya zibura cumi n’itanu. mu gihe yasobanuraga numvishe impinduka .Imana ikorera mu mutima binyuze mu kwizera Kristo. , Numvise umutima wanjye ususurutse bidasanzwe.

Numvaga nizeye Kristo, Kristo wenyine ku bw’agakiza ke! kandi nahavuye nizeye ko yankuyeho ibyaha byanjye,ankiza ububata bw’icyaha n’urupfu. "Nyuma y’ibyumweru bike, Wesley yabwirije ku nyigisho y’agakiza kubwo kwizera umuntu kugiti cye.Aha mu nyandiko yanditswe na Daniel L.Burnett, yasobanuye impinduka mu ivugabutumwa John Wesley yazanye, by’umwihariko mu gace Aldersgate.

Wesley mu ivugabutumwa muri Aldersgate

Ninabyo byatumye Wesley afatwa cyane n’inkingi ya mwamba mu matorero ya Metodiste. Byatumye hashyirwaho itariki y’urwibutso itazibagirana mu mateka, byose hagamijwe kwibuka ivugabutumwa ryakozwe na Wesley, ni itariki yiswe” Aldersgate Day”Umunsi wa Aldersgate ni umunsi wo kwibuka wizihizwa n’abakristu ba Metodiste ku ya 24 Gicurasi cyangwa mu mpera z’icyumweru . Bibuka umunsi wo mu 1738, ubwo Umushumba w’Itorero ry’Ubwongereza(Church of England) ariwe John Wesley yitabiriye inama y’itorero yabereye i Aldersgate, i Londres, aho yakiriye ibihamya byo kwizeza agakiza ke.

Iki cyari ikintu gikomeye mu buzima bwa Wesley amaherezo cyatumye habaho ububyutse bukomeye mu itorero ry’abametodiste mu Bwongereza no muri Amerika. Kuburyo byanditswe no muri Kalendari y’itorero ry’abametodiste ngo ibyo Wesley yakoze muri metodiste bizahore byibukwa.

Gutotezwa mu ivugabutumwa rya Wesley

Kuva mu 1739, Wesley n’Abametodiste batotejwe n’abayobozi b’amadini n’abacamanza kubera impamvu zitandukanye. Nubwo Wesley yagizwe umushumba w’abangilikani, abandi bayobozi benshi b’abametodiste ntibari barahawe inshingano. Ku ruhande rwe, Wesley yarenze ku mategeko menshi y’Itorero ry’abangilicani mu bwongereza arerekera arenga imbibi za paruwasi yari ashinzwe kuyobora akajya kubwiriza hanze yayo .

Ibi byafashwe nk’ikibazo kibangamiye iyubahirizwa ry’amabwiriza, byarushijeho guteza ikibazo bigera n’aho abayobozi b’amadini babateye mu gihe babaga barimo kubwiriza ndetse bakabasanga no mu icapiro, kandi rimwe na rimwe baterwaga n’udutsiko runaka. Wesley n’abayoboke be bakomereje umurimo w’Imana mu bantu b’intamenyekana kandi batishoboye.

Gukora ivugabutumwa muri ubu buryo byatumye Wesley n’abayoboke be bafatwa nk’abavangiwe,ngo kuko bazanye inyigisho zidasanzwe, bafatwa nk’abazanye imvururu mu madini yicyo gihe. Baratotejwe cyane kuko bafatwaga nk’abafana b’impumyi, bayobya abantu, ko badukanye impano z’igitangaza zibasira abayobozi b’Itorero ry’abangilicani. Ikindi barezwe ngo nuko bagerageje kongera gushinga Gatolika.

Wesley we yumvaga ko itorero ryananiwe guhamagarira abanyabyaha kwihana, ko benshi mu bayobozi b’amatorero aho bononekaye, ibintu byari biteye impungenge kuko abantu barimbukiraga mu byaha byabo. Yizeraga ko yashinzwe n’imana kuzana ububyutse mu itorero, kandi nta kurwanywa, gutotezwa, cyangwa inzitizi byashoboraga kumukoma mu nkokora mugukora umurimo yatumwe n’Imana.

Urwikekwe rw’abarwanyaga Wesley, rwanashingiraga ku mahugurwa yatangaga mu matorero ku rwego rwo hejuru, imyumvire ku buryo bwo gusengera mu ruhame, uburyo yakoraga ihinduranya ry’intumwa n’uburenganzira bw’abayobozi b’amatorero, ndetse n’ibyo we yashyiraga mu bikorwa nkuko yabitumwe n’Imana byose, byafatwaga nk’ibitemewe.bikaba intandaro yokumurwanya.

Wesley amaze kubona ko we n’abakuru b’amatorero bakoranaga badahagije ngo basohoze ubutumwa nkuko bari batumwe n’Imana,guhera mu 1739 yayobowe n’Imana ashyiraho ababwirizabutumwa bwiza ahantu hatandukanye. Yasuzumye kandi atoranya abagabo batashyizweho n’Itorero ry’abangilikani kubwiriza no gukora imirimo y’ubushumba. Uku kwagura ababwirizabutumwa bwiza hirya no hino,ni rumwe mu mfunguzo Weseley yakoresheje mu gukura kwa Metodisme, Niho Metodiste yatangiye kugaragara no kwagukira.

Uko umubare w’abavugabutumwa n’ahantu ho kubwiriza wiyongereye, ibibazo by’inyigisho n’ubuyobozi byari bikenewe kuganirwaho; nibyo byatumye mu 1744,John Wesley na Charles, hamwe n’abandi bakuru b’amatorero ndetse n’ababwirizabutumwa bane,bahurira i Londres . Iyi niyo yari inama ya mbere y’abametodiste.bitewe nuko inama zakurikiye iyi n’ubundi zakomeje kuyoborwa na Wesleye,yaje kwemezwa nk’umukuruw’abametodiste.

Nyuma yimyaka ibiri, mu rwego rwo gufasha ababwirizabutumwa bwiza gukora muri gahunda nziza, Weseley yashyizeho ababafasha mu murimo kandi bagasimburana mu gihe runaka. Wesley yizeraga ko imikorere y’umubwirizabutumwa yatejwe imbere n’uko yahindurwaga akava ahantu hamwe akajya gukorera umurimo ahandi buri mwaka cyangwa ibiri.Wesley yashyizeho "ingendo z’ivugabutumwa" kandi ashimangira ko ababwirizabutumwa be bubahiriza ayo mabwiriza.

John Wesley yari afitanye umubano ukomeye n’amajyaruguru y’Uburengerazuba bw’Ubwongereza, asura Manchester byibuze inshuro cumi n’eshanu,yabikozehagati ya 1733 na 1790. Aha havuye umusaruro ukomeye kuko mu 1733 na 1738 yabwirije mu rusengero rwa St Ann na Chapel ya Salford, abonana n’incuti ye John Clayton. Mu 1781, Wesley yafunguye Chapel ku Muhanda wa Oldham - igice cya Misiyoni ya Metodiste ya Manchester na Salford Wesleyan, ubu niho hari ikicaro gikuru cya Metodiste ya Manchester.

Ahashyizwe ikicaro gikuru cy’Abametodisite

Uruhare rwa Wesley mugukuraho ubucakara

Usibye umurimo w’ivugabutumwa, Wesley yagize uruhare mukwamagana ubucakara,yarabyamaganye cyane ndetse anabicisha no munyandiko.Wesley yamaganye ubucakara avuga ko ubucakara ari kimwe mubigize umubare w’abagome bose! Anasobanura neza ibibi by’ubucakara mu gatabo ke yasohoye mu 1774 yise“Thogths upon slavery” Ibitekerezo ku bucakara. yaranditse ati "Ubwisanzure ni uburenganzira bwa buri kiremwa muntu, igihe cyose agihumeka umwuka w’abzima; kandi nta tegeko ry’umuntu rishobora kumwambura ubwo burenganzira, akomoka ku ihame ry’ibidukikije".

Wesley yayoboye George Whitefield kujya mu ivugabutumwa ryuje gukuraho ubucakara muri coloni z’abongereza, bituma impaka zambukiranya imipaka ku bucakara,Ariko kuko Wesley yari inshuti n’umujyanama wa John Newton na William Wilberforce, byaramworoheye cyane kuko nabo bagize uruhare runini mu gukuraho ubucakara mu Bwongereza.

Ubufasha bwa Wesley mu ivugabutumwa ry’abagore

Abagore ni bamwe mu bantu bagize uruhare rugaragara muri ivugabutumwa rya Wesley, kandi bashishikarizwa kuyobora amashuri. Mu 1761, yemereye mu buryo butaziguye Sarah Crosby, umwe mu bakristo be akaba n’umuyobozi w’ishuri, kubwiriza. Igihe abantu barenga 200 bitabiriye isomo yagenewe kwigisha, Crosby yumvaga adashobora kurangiza inshingano ze nk’umwarimu ngo yigishe iyo mbaga, maze ahitamo kubabwiriza .Yandikiye Wesley kugira ngo amugire inama kandi amwemerere akomeze umurimo wo kubwiriza,aho kwigisha.

Aho bigishirizaga

Wesley yaretse Crosby akomeza kubwiriza igihe cyose . yabikoraga yigengesereye kandi abikunze. Hagati ya 1761 na 1771, Wesley yandikiye Crosby n’abandi amabwiriza arambuye afite ibisobanuro birambuye ku buryo bwo kubwirinza bashobora gukoresha. Urugero, mu 1769 Wesley yemereye Crosby gutangira kujya afasha abantu muburyo bwo kubagira inama.

Ibumoso Sarah Crosby, bivugwa ko ariwe mugore wabaye umuvugabutumwa bwa mbere ku isi, Iburyo Mary Bosanquet wagize uruhare rukomeye mu ivugabutumwa rya Wesley

Mumpeshyi yo 1771, umugore witwa mary Bosanquet yandikiye John Wesley kugira ngo amuvuganire we na Sarah Crosby, mu umurimo wo kubwiriza no kuyobora amasomo mu kigo cy’imfubyi cye, cyitwaga Hall Hall. Ibaruwa ya Bosanquet ifatwa nk’ubwunganizi bwa mbere bwuzuye kandi nyabwo bwo kubwiriza abagore mu buryo bwa Metodisme(ni uburyo bwo kuvuga ubutumwa usanze abantu aho bari,aho kugusanga aho wowe ubabwiriza. bwavumbuwe John Wesley, mu ivugabutumwa rye nibwo yakoreshaga).

Igitekerezo cy’uyu mugore Mary Bosanquet,ni uko abagore bagomba gushobora kubwiriza igihe bahuye n’umuhamagaro udasanzwe, cyangwa igihe babiherewe uruhushya n’Imana. Muri uwo mwaka 1771 Wesley yemeye igitekerezo cya Bosanquet, maze atangira kwemerera abagore kubwiriza mu buryo bwa Methodisme. Babwiriza ubutumwa, imitima irahembuka.

Urupfu rwa John Wesley

Ubuzima bwa Wesley bwaragabanutse cyane kugeza ku iherezo ubwo areka kubwiriza. Ku ya 28 Kamena 1790, umwaka utarashira mbere y’urupfu rwe, yaranditse ati:“Uyu munsi ngiye kwinjira mu mwaka wa mirongo inani n’umunani. Mumyaka irenga mirongo inani n’itandatu, nasanze ntanabumwe mubumuga bw’ubusaza mfite: amaso yanjye ntiyigeze acogora, ntanubwo imbaraga zanjye zigeze zigabanuka. Ariko Kanama ishize,niyumvamo impinduka zitunguranye. Amaso yanjye yarijimye ku buryo ntamadarubindi yamfasha.Imbaraga zanjye nazo ubu zarantaye rwose kandi birashoboka ko ntazagaruka ku isi. ”Wesley yapfuye ku ya 2 Werurwe 1791, afite imyaka 87.

Wesley avuga ijambo ryanyuma agiye gupfa

Igihe yari aryamye agiye gupfa, inshuti ze zahafi zari imukikije, Wesley yabafashe amaboko maze avuga inshuro nyinshi ati: "Uraho, muraho." Mu gusoza, yagize ati: "Icyiza muri byose ni Imana, iri kumwe natwe", azamura amaboko yongera kuzamura ijwi rye rifite intege nke, asubiramo amagambo agira ati: "Icyiza muri byose ni Imana, iri kumwe natwe."

Yashyizwe mu rusengero rwe ruherereye kumuhanda wa City,London.Kubera imico y’ubugiraneza yapfuye ari umukene, Urupfu rwe nirwo rwatumye abanyamuryango 135.000,n’ababwirizabutumwa 541 bitwa "Methodiste". Byaravuzwe ko "igihe John Wesley yajyanwaga mu mva ye, ngo umutungo yaba yarasize ari isomero ryiza ry’ibitabo, ikanzu ye yambaraga" n’Itorero rya Metodiste.

Umva amateka ya John Wesley

Daniel@Agakiza

Source: wikipedia