Imana izabaha ibyo mukeneye byose

Kwamamaza

agakiza

Imana izabaha ibyo mukeneye byose


Yanditswe na: Ubwanditsi     2021-02-22 03:47:38


Imana izabaha ibyo mukeneye byose

Mu buzima bwa buri munsi kugira ngo umuntu abe atakanye kandi yuzuye bisaba ko abona ibyo umubiri, umwuka n’amarangamutima bikeneye. Iyo ibyo byose bigezweho nibwo umuntu aba yuzuye neza bityo akabona uko akora umurimo w’Imana nta nkomyi kandi Imana yasezeranyije abaizera ko izabaha ibyo bakeneye byose.

Kandi Imana yanjye izabamara ubukene bwanyu bwose nk’uko ubutunzi bw’ubwiza bwayo buri muri Kristo Yesu (Abafilipi 4:19).

Mubyukuri twese hari ibyo dukeneye mu buryo bw’umwuka, umubiri, tutibagiwe n’ amarangamutima.

Imibiri yacu ikeneye ibiryo n’amazi. Tugomba kandi kurindwa ibintu karemano nk’umuyaga, imvura, ubukonje n’ubushyuhe; bivuze ko dukeneye kugira ubushobozi bwo kwambara no kugira aho tuba.

Buri wese muri twe afite ibyo akeneye mu marangamutima. Bimwe muri ibi by’ingenzi cyane, harimo kumenya neza ko ukunzwe, ko wumva ufite umutekano, kandi ko ubuzima bwawe bufite intego n’igisobanuro kizima.

Nibyo koko Imana ni umubyeyi mwiza

Icyifuzo cy’umwuka cy’ingenzi buri muntu akwiye kugira, ni ukumenya Imana bituruka ku mubano bwite w’umuntu na Yesu Kristo.

Biroroshye ko umukristo amenya ko Imana ishobora kumuha ibyo akeneye byose mu mwuka ku bwo kwizera Yesu Kristo, ariko Abafilipi 4:19 hadusezeranya ko Imana izaduha ibyo dukeneye byose, byaba iby’umwuka, umubiri, n’amarangamutima. Nibyo rwose, Imana yaduhaye uburyo kugira ngo twungukire ibyo dukeneye byose muri ubu buzima. Nibyo, Imana ni umubyeyi mwiza.

Inama y’ uyu munsi

Ushobora kuba waribajije iki kibazo: "Ese koko Imana inyitayeho kandi yiteguye kumpa ibyo nkeneye uyu munsi?" Igisubizo ni "yego" rwose. Amaso y’Uwiteka arakureba, akwitayeho kandi yakwemereye ibyo ukeneye byose. Bitangirira ku ntambwe imwe ari yo kuvuka ubwa kabiri ukemera Yesu Kristo nk’Umwami n’Umukiza w’ubugingo bwawe. Hanyuma ukizera neza ko Imana yashyizeho inzira kugira ngo iguhe ibyo ukeneye byose. Uwiteka azakwereka inzira igana imbere. Mukurikire kandi umwizere byimazeyo.

Source: www.topchretien.com

Vestine@agakiza.org

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?