Imbaraga z’ijambo ry’Imana

2PETERO 1.19
Nyamara rero dufite ijambo ryahanuwe rirushaho gukomera, kandi muzaba mukoze neza nimuryitaho, kuko rimeze nk’itabaza rimurikira ahacuze umwijima rigakesha ijoro, rikageza aho inyenyeri yo mu ruturuturu izabandurira mu mitima yanyu.

Iri jambo ryavuzwe n’intumwa Petero igihe we na bagenzi be bari mu karengane,

Kandi muri icyo gihe ntibacitse intege, ahubwo bakomeje kwizera ijambo ry’Imana, bakomeza gukiranuka no gukora umurimo w’Imana *(Ibyak 5.42);

Yosuwa (10.12) na Eliya (I Abami 17.1) na bo mu bihe bitandukanye, ku bw’ijambo ry’Imana, umwe ari ku rugamba yahagaritse izuba, undi ahagarika imvura imara imyaka itatu n’amezi atandatu itagwa

Koko rero kwa Yesu dufite ubutware n’ubushobozi, cyane iyo twizeye amagambo ye uko yayatubwiye (Luka 10.19);

Imbaraga z’ijambo ry’Imana kandi ni zo zibasha guhamiriza buri muntu ku giti cye ko Imana ari yo yonyine isumba byose (Yeremiya 10.6):
Ni yo mpamvu iyo umuntu agendanye ijambo ry’Imana ahorana ihumure mu mutima we n’ubwo intambara n’ibigeragezo byamugeraho (Zaburi 23.4),

Kandi ni ryo rihesha uritunze imbaraga zo kunesha ibyaha n’ibicumuro, nk’uko umwanditsi wa *Zaburi (119.11)* yabivuze, ati
Nabikiye ijambo ryawe mu mutima wanjye,Kugira ngo ntagucumuraho.

Birakwiye rero ko nawe urushaho kwizera imbaraga ziri mu ijambo ry’Imana, kuko ari zo zonyine zibasha gukora ibyo ubona ko bidashoboka, zikarema ibitariho bikabaho(Zab 33.9).
Martha@Agakiza.org