Imfunguzo ebyeri zagufasha kugira urugo rwiza

Mugihe habayeho gushyingiranwa biba ari umunsi mukuru, urushako ni intangiriro y’umunezero. Kuri benshi ninawo musi w’ibirori ukomeye mu buzima bwa muntu.

Imiryango, inshuti, ndetse n’abashyingiranywe ubwabo, bose baba buzuye ibyiringiro n’inzozi kubuzima bwabo bw’ejo hazaza. Icyakora kugira urugo rwiza ntabwo ari ibintu byoroshye. ikindi Kandi twese tuzi neza uburyo imibare y’ubutane hagati y’abashakanye yazamutse ku kigero cyo hejuru, uyu munsi hirya no hino ku isi. Uko uyu munsi bigaragara, abashakanye benshi bahitamo kutarangiza urugendo,nyamara bari bararahiye kubana akaramata, bagatukanywa n’urupfu cyangwa Yesu agarutse gtwara itorero.

Byaba byoroshye cyane ko dukwiye kwishyiraho urubanza rwo kuba twitera impamvu nyinshi zo kutagera ku ntego y’ibyo twiyemeje,bikanatuviramo ubutane, gutsindwa ku muryango. Urugero ruto, birasa n’umutwaro uremereye ko abashakanye bafata umwanya uhagije, bakaganira. Ahanini ibi bibyara gusharirana hagati y’abashakanye, bigahembera inzika mu mitima, bitewe no kubura imishyikirano n’ibiganiro bihawe umwanya uhagije hagati y’abashakanye.

Ntabwo hazigira habaho iherezo ry’ibitabo, ingingo n’amahugurwa bikubwira uburyo bwiza bwo kunoza imibanire yawe n’uwo mwashakanye, ahubwo bizakomeza ndetse cyane. Ikibazo nyamukuru ni ishyirwamubikorwa ry’ibyo mwigishijwe.

Mugihe rero haba hari ibitagenda neza mu rugo rwanyu, birakwiye ko hagomba kubaho umwanya mwiza wo kuganira, mugashyikirana, mugatera intambwe mukanababarirana. Kuko iyo mwakimbiranye ntawundi muti mwabona w’icyo kibazo,kabone nubwo mwagira amafaranga menshi ntacyo yabikoraho.

Twifashishije ibyanditswe byera, Hari inama ebyiri z’ingenzi zafasha abashakanye kugira imibanire myiza, bakagera ku ntego zabo nk’uko babisezeranye.Umwe muri bo, umuhanga mu by’amategeko, yashatse kugerageza Yesu aramubaza ati"Mwigisha, ni irihe tegeko rikomeye mu mategeko yose?" Yesu aramusubiza ati:"’Kunda Uwiteka Imana yawe n’umutima wawe wose, n’ubugingo bwawe bwose n’ubwenge bwawe bwose.

Iri ni ryo tegeko rya mbere kandi rikomeye. Kandi iryakabiri ni iri:
"Kunda mugenzi wawe nk’uko wikunda. Muri ayo mategeko yombi, amategeko yose n’ibyahanuwe niyo yuririraho.(Matayo 22: 35-40)

Twemeranye rero ko hafi ya buri kibazo abashakanye bagirana gishobora guturuka k’umuntu umwe cyangwa bombi bananiwe kubahiriza ariya mategeko yombi. Ni nako bimeze ku mibanire iyo ari yo yose. Igihe dutangiye kwibanda kubyo dushaka nibyo dukeneye kuruta ibyo Imana cyangwa mugenzi wacu yifuza; byanze bikunze amakimbirane azavuka.

Iyo ugiranye ikibazo n’uwo mwashakanye, ni kangahe wibanda cyane ku kumva ibyo umugore/umugabo wawe avuga cyangwa Imana ivuga aho gutsimbararara utakaza igihe?mwene Ibyo bitera kumva umujinya n’inzika kumugore cyangwa umugabo wawe. Mbese Ni ryari uheruka kumuzana imbere y’Imanna mu masengesho ndetse ukanashimira Imana ku mibanire myiza mufitanye? Ese ujya uharanira gushaka umwanya mwiza ngo uganire n’uwo mwashakanye? Hanyuma se gusengera hamwe n’uwo mwashakanye, mukabaza Imana uko ishaka ko mubana,n’ukomwakoresha umwanya wanyu,ibyo urabikora ?

Mugihe uzatangira gusubiza ibi bibazo twabajije haruguru, nibwo muzatangira gushyira hamwe neza, kandi muzumva umunezero, ntimuzamenya aho amakimbirane anyuze abahunga.Yego si ibintu bizaba ijoro rimwe ariko uko muzagenda mushyikirana, muganira urukundo rwanyu ruzagwira. Kwegera Imana no kuganira bizababera urufunguzo rwo kugira urushako rushimishije, kandi rubera intangarugero abandi.

Ni byiza ko mumenya neza ko urugo rwanyu rutuye mu isi, atari muri Paradizo, ndashaka kuvuga ko mutazabura guhura n’ibibazo by’ubukungu, amashuri y’abana, ibitunga umuryango,yewe si n’igitangaza ko haza n’ikibazo kirenze ubushobozi bwanyu. Icyakora igihe muzubahiriza ibyo iminsi izababera myiza kuko mutazatinya ibyo, ahubwo gushyira hamwe kwanyu no kuyoborwa n’Imana umufatanyabikorwa wanyu w’ibanze, nta muyaga n’umwe uzabanyeganyeza kandi muzatsinda.

Source: www. Christian Today.com

Yanditswe na BYIRINGIRO Daniel