Itotezwa: Imiryango 6 ya gikirisito mu buhinde yategetswe kwihakana Yesu cyangwa guhunga ingo zabo

Polisi yo mu Buhinde yategetse imiryango itandatu ya gikirisitu kureka ukwemera kwabo cyangwa guhunga ingo zabo, nyuma yuko bayitabaje kubera igitero bagabweho n’agatsiko k’abahindu.

Joginder Bhuya, umukirisito wabwiye ishami rishinzwe gukurikirana Itotezwa ry’abakristo ‘Persecution Watchdog International Christian Concern’ ko ku ya 5 Nyakanga bagerageje gutanga amakuru kuri icyo gitero kuri sitasiyo ya polisi y’akarere ka Latehar muri leta ya Jharkhand. Ariko ikibabaje nuko aho gutanga raporo, abapolisi basubije Joginder bavuga ko abo bakristo bagomba gusubira mu idini ry’abahindu cyangwa guta amazu yabo bagahunga bakava muri ako gace.

Joginder yagize ati: "Natekerezaga ko abapolisi bahari kugira ngo barinde kandi badukorere ubutabazi, baduhe ubutabera bukwiriye ariko byagaragaye ko bapolisi iri inyuma y’abashyigikiye ibyo ab’idini rya bahindu bahora batubwira."

Vuba aha nibwo abayobozi bakoze inama yo kuganira ku byerekeranye n’imibereho y’abaturage b’Abakristo banze kuva mu myizerere yabo ya gikristo. Baza gufata umwanzuro ko abakristu bazirukanwa mu ngo zabo no mu midugudu mu gihe batazemera kureka ubukristo, ngo basubire mu idini ry’Abahindu. Nibatabikora , bazagabwaho ibitero ntakabuza.

Bhuya avuga uko batotejwe muri aya magambo ati: “Abagabo twese baduhambiriye amaboko n’amaguru bakoresheje umugozi. Bibwiraga ahari ko tudashobora kwirwanaho. Banakoze kandi ibikorwa bigayitse bakubita abagore bacu ku bice by’ umubiri wose. Twe badukubise inshyi mu maso no mu mugongo. Byari ibintu bibabaje cyane kandi ntanakirengera twari dufite. ”

Bhuya we yashoboye gutoroka hanyuma yirukira kuri sitasiyo ya polisi aho yabamenyesheje iby’ icyo gitero, nubwo byabaye nk’aho ari uguhungira ubwayi mu kigunda. Mu gihe uyu mukristo yajyaga gutabaza police, yahahuriye n’abaturage bo mu idini ry’abahindu, bazanye ikirego kuri police basaba ko abakristo bakwirukanwa muri ako gace, kandi byagaragaraga ko police ishyigikiye abo bahindu.

Mu buhinde Abakristo barasaba ko bareka gutotezwa

Ibitero byibasira abakirisitu bo mu Buhinde byariyongereye kuva Narendra Modi wo mu ishyaka ry’abahindu baharanira inyungu z’abahindu ‘The Hindu nationalist Bharatiya Janata Party’ yatangira kuba minisitiri w’intebe mu 2014.

Raporo yaturutse muri ‘Evangelical Fellowship of India’ itsinda ry’ubutumwa bwiza mubuhinde, mu mujyi wa Delhi,yanditse imanza 135 zigaragaza gutotezwa kw’abakristu mu buhinde mu gihembwe cya mbere cy’imanza muri 2020.

Iri tsinda rigereranya ko umubare nyawo ushobora kuba munini cyane, bitewe nuko abenshi mu bakristo batotezwa mu buhindi bagira ubwoba bwo kubivuga, hakiyongeraho n’uko bamwe baba batazi gusoma no kwandika , bakanacibwa intege n’uko police itajya iha agaciro imanza zabo ziba zarandikishijwe.

Ngo Polisi ntiha agaciro ibyo birego ngo bishyirwe mu manza zirimo ibyaha biba byamenyekanye kandi biba bigomba kubahirizwa nk’uko biteganywa n’ingingo ya 154 y’igitabo cy’amategeko ahana ibyaha mu buhinde. Ariko imanza nk’izo zanditswe na polisi, inyinshi ntizigezwa mu rukiko.”

Muri Werurwe, 2020 abakristu bo muri leta ya ‘Uttar Prades’ bashinjwaga ibinyoma kuba barahinduye ku gahato Abahindu ngo bakinjira mu bukirisitu. Muri iki gihe abakristo bakubitswe bunyamaswa n’umupolisi wasinze, abategeka ko ngo bagomba kwifata nka Yesu Kristo ubwo yari ku musaraba.

Uharanira uburenganzira bw’abakrito, Dinanath Jaiswar ubarizwa mu itsinda riharanira ubuvugizi bw’abakristo ‘Alliance Defender Freedom’ yavuze ko abapolisi bo muri ‘Uttar Pradesh’ bagiye bagaragaza ubugome bukomeye ku nzirakarengane z’abakristo. Ati: "Bigaragara ko imitwe y’intagondwa z’Abahindu zikorana cyane bya hafi n’abapolisi mugutoteza abakristu mugihe basenga".

Muri Nyakanga, umutegarugori wo mu gace ka Redhadi, umudugudu wo mu karere ka Khunti mu Buhinde, uherutse kwinjira mu bukirisitu, yishwe bunyamaswa n’abasore bane bafitanye isano n’itsinda ry’abashyigikiye abahindu.Uyu mugore yari umukirisitu wa gatanu wishwe mu Buhinde mu mezi abiri ashize.Ubwicanyi bwabanje bwahitanye umugore, Umusorei, na pasiteri bose bazira kwizera kwabo. Ubu bwicanyi bwabereye muri Chhattisgarh, Jharkhand, Odisha, na Maharashtra.

Ubuhinde buza ku mwanya wa 10 ku rutonde rwa ‘Open Doors ’2020 Urutonde rw’ibihugu ku isi aho bigoye kuba umukristo. Itsinda’ Evangelical Fellowship of India’ rivuga ko intagondwa z’abahindu zikunze kwibasira abakirisito kuburyo bukomeye kandi ntibigire inkurikizi.

Bati: "Igitekerezo cy’abenegihugu b’abahindu ni uko kuba Umuhinde ari ukuba Umuhindu, bityo abafite indi myizerere iyo ari yo yose harimo n’Ubukristo bafatwa nk’abatari Abahinde." Ati: “Nanone, abahindukiriye Ubukristo bakomoka mu idini ry’abahindu cyangwa andi madini, bakunze gutotezwa cyane n’imiryango yabo ndetse n’abaturage muri rusange .”

Gutotezwa kw’abakristo n’ibintu bimaze gufata intera nini, kubera ko igihangayikishije kurushaho nuko intagondwa zibikora zisa niziba zishyikiwe n’ubutegetsi mu buhinde, byumwihariko inzego z’umutekano.

Daniel@Agakiza

Source : The Christian Post