Kubera iki bibujijwe guha umwana w’uruhinja amazi?

Ubusanzwe umwana yemerewe gutungwa n’amashereka gusa kuva akivuka kugeza yujuje amaezi 6.Ariko usanga ababyeyi batabyumva kimwe aho usanga bamwe batekereza ko guha uruhinja amazi ari byiza, nyamara bibangamira ubuzima n’mikurire y’umwana.

Amakuru yizewe dukesha umuryango mpuzamahanga wita ku buzima (World Health Organization), asobanura ko abana bonka badakeneye guhabwa amazi kuko mu mashereka habamo 80% by’amazi umubiri w’umwana ukeneye. Si ngobwa rero kumenyereza umwana amaziataruzuza amezi 6.

Akenshi usanga ababyeyi bamwe cyangwa abandi bafite mu nshingano zabo kurera abana bahora bahangayitse bibaza ko niba ari igihe cy’izuba cyangwa se ubushyuhe bwinshi uruhinja rwabo ruba rukwiye guhabwa amazi kuko baba bakeka ko nabo bafite inyota. Ariko siko biri kuko umwana wonkejwe neza agahembuka nta kibazo cy’umwuma ashbora kugira.

Dore impamvu bibujijwe guha uruhinja amazi?

Guha umwana amazi ataruzuza amezi 6 nabwo byemewe kubera impamvu zikurikira:

• Guha umwana amazi bituma ahaga cyangwa se inda ye ikuzura amazi, ibi bimutera gutakaza ubushake bwo konka, bikaba byamuviramo ingaruka zikomeye zo gutakaza ibiro.
• Iyo uhaye umwana w’uruhinja amazi, aya mazi aragenda agafungura (dilute) izindi ntungamubiri ziri mu mubiri we, ntizibe zigihagije nk’uko bikwiye.
• Guha umwana muto amazi bibangamira imikorere y’impyiko zigahinduka umutuku, mu gihe amazi abaye menshi mu mubiri w’umwana.

Mu rwego rwo kubungabunga imibereho y’umwana, ni byiza kumwonsa amezi atandatu nta kindi kintu na kimwe umuvangiyemo. Bizamufasha gukura mu gihagararo ndetse no mu bwenge. Munsi y’amezi 6 umubiri we uba utaragira ubushobozi buhagije bwo kwakira no gutunganya amazi atavuye mu mashereka. Babyeyi! Nimucyo twumve kandi twumvire inama zijyanye no kurera neza nibwo tuzaba dutanze umusanzu wacu mu iterambere ry’imibereho myiza.

Source: www.healthline.com