MFASHA DUSENGERE ABAMAGARI BO MURI NEPALI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye. (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kabiri tariki ya 2 Mutarama 2018 dusengere Abamagari bo muri Nepali ku mugabane wa Aziya.

Muri Nepali habarirwa abagera ku 1.831.000, naho ku isi hakabarirwa abagera ku 2.179.000. Aba bakaba ari abayoboke b’idini ya hinduyisime . Abakristo bari munsi ya 2% by’Abamagari bose.

Bibiliya n’izindi nyandiko za gikirisitu zamaze kugezwa mu ndimi bakoresha. Inyigisho zimwe z’amajwi nazo zamaze kugezwa mu ndimi bakoresha. Filime igaragaza ubuzima bwa Yesu nayo yamaze guhindurwa mu ndimi bakoresha.

INZITIZI

Imiterere y’uduce babarizwamo ituma bitorohera abantu baturutse ahandi kubageraho, aha hakiyongeraho n’amadini gakondo afite uruhare rukomeye mu myemerere yabo.

IBYIFUZO BYO GUSENGERA

• Sengera Abakristo b’Abamagari, kugira ngo babashishwe kubaho ubuzima bwera imbuto z’Umwuka, kandi bambikwe imbaraga zo guhamiriza abo mu bwoko bwabo batarakizwa.
• Saba Imana kugira ngo igenderera imitima y’Abamagari kugira ngo babashe guhishurirwa Kristo.

IJAMBO RY’UMUNSI

“Mwa miryango y’amahanga mwe, mwāturire Uwiteka yuko afite icyubahiro n’imbaraga. Mwāturire Uwiteka yuko izina rye rifite icyubahiro, Muze imbere ye muzanye ituro, Musengane Uwiteka ubwiza bwo kwera.”
(1 Ngoma 16:28-29)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
uwimana.ange@gmail.com, (+250)788552883/ (+250)725151463