Menya byinshi ku ndwara y’umwingo

Umwingo (goitre) ni indwara iterwa no kwiyongera gukabije kw’imvubura ya tiroyide bigatuma ijosi ribyimba. Ubusanzwe Umwingo nturyana ariko iyo umaze gukura cyane utera inkorora, kunanirwa kumira, guhumeka. icyakora iyi ndwara iravurwa igakira.

Umwingo uterwa n’iki?

Muri rusange umwingo uterwa no kuba umubiri wabuze iyode (iode) akenshi iboneka mu munyu uba wavuye mu nyanja. Umwingo kandi ushobora guterwa n’imikorere mibi y’imvubura yitwa tiroyide.

Ibimenyetso by’indwara y’umwingo

• Kubyimba ijosi
• Kunanirwa guhumeka
• Kunanirwa kumira
• Gukorora
• Kunanirwa guhindukiza ijosi
• Kubabara mu muhogo

Impamvu zishobora gutuma umuntu arwara umwingo

Kubura iode mu mubiri: abantu badakunda gufata iodine mu ifunguro ryabo, abantu baba ahantu hategereye amazi bakunda kwibasirwa n’iyi ndwara.
Abagore bari hejuru y’imyaka 40 nibo bibasirwa n’iyi ndwara ugereranyije n’abagabo
Umutu kandi ashobora kurwara umwingo bitewe n’imiti akoresha mu kwivura ugero: imiti ivura umutima, imiti ivura agatuza. Iyi yose itiza umurindi kwihuta k’umwingo.

Dore amabwiriza abarwaye umwingo bakwiye gukurikiza

Kuko kubura umunyu ngugu wa iode aricyo kintu cy’ingenzi gitera umwingo, ni byiza guhitamo ibiribwa byifitemo iodine. Ushobora gkurya umunyu wiganjemo iode, amagi, amata y’inka, amashu, ibiribwa bikomoka mu nyanjja urugero: amafi, ibimera byo mu Nyanja. Ushobora kandi gufata yoghurt. Muri macye ukwiye kwibanda ku biribwa birimo imyunyu ngugu ikurikira: potasiyumu, manyesiumu, kalisiyumu na iro. Ibi byose bigabanya ubwiyongere bukabije bwa bw’umusemburo wa tiroyide mu mubiri.

mu gihe ubona ko urwaye umwingo jya wirinda ibiribwa byatunganyirijwe mu nganda, ibinyobwa bisembuye, icyayi cy’ikawa na soda.

Jya wibuka gukora imyitozo buri gihe, koresha amavuta ya coconut mu ifunguro ryawe, jya wibuka kunywa amazi asukuye kandi wirinde ibyo kurya bikomeye witoze kurya ibiryo byoroshye ku buryo bushoboka bwose.

Kugirango ubashe kugira ubuzima buzira umuze, ni ngobwa gukurikiza inama zose zatuma uca ukubiri n’indwara y’umwingo kandi ngo kwirinda biruta kwivuza.