Niki cyaba gitera kumera uruhara?

Uruhara ni bumwe mu buryo bwo gutakaza umusatsi ku bagabo. Ubushakashatsi bw’ikigo cyo muri Amerika cy’ita ku buvuzi (U.S. National Libray of Medicine) kivuga ko 50% by’abagabo bose bari mu kigero cy’imyaka 50 bakunze kumera uruhara.

Ese ni iki gitera kumera uruhara?

Kimwe mu bitera kumera uruhara harimo uruhererekane mu miryango cyangwa kuba mu bisekuru by’iwanyu harimo abagira uruhara. Ikindi ni uko imisemburo igira uruhare mu kugenzura uko umusatsi ukura iba itagikora neza .

Buri musatsi wo ku mutwe wawe uba ufite agace ukuriramo. Iyo umugabo amera uruhara,urwo ruhererekane rukuza umusatsi ruba rwatangiye gucika intege , hagatangira kumera udusatsi tugufi kandi tunanutse. Ibi birangira n’ubundi uru ruhererekane rutagikora bityo ntihagire undi musatsi wongera kumera muri ako gace.

Uruhara rwo mu ruhererekane rw’imiryango nta ngaruka rugira. Ariko hari igihe uruhara rushobora gutera ingaruka zikomeye harimo nka kanseri, zimwe mu ndwara zo mu muhogo n’izindi. Ni byiza kujya kureba muganga igihe utangiye kugenda utakaza umusatsi nyuma yo gufata imiti cyangwa igihe ufite ibindi bibazo by’ubuzima. Inzobere mu buzima bashobora gusuzuma icyo kibazo cyo gutakaza umusatsi bakamenya niba bituruka mu ruhererekane rw’imiryango cyangwa niba giterwa n’ibindi bibazo by’ubuzima cyangwa ibibazo by’imirire.

Ese ni ayahe mafunguro wafata akagufasha kudatakaza umusatsi?

1.Kurya ubuki: Gukoresha ubuki bizana ingaruka nziza mu gukuza umusatsi. Mu bushakashatsi bwakozwe bwagaragaje ko 90% bw’abakoresheje ubuki mu gihe cy’ibyumweru bine byagabanyije ibyago byo kugenda umuntu atakaza umusatsi.

2.Kurya ibinyampeke: Ibinyameke nabyo byifitemo ubushobozi bwo kurinda umusatsi gutakara.

3.Epinari: Epinari ni nziza kuyikoresha kuko yifitemo ubushobozi bw’ubutare , ikagira na vitamini C byose bitunga umusatsi.

4.Amavuta: Amavuta akenshi y’ibihwagari afasha kurinda gutakaza umusatsi.

5 . Amagi: Amagi yifitemo vitamini B ifasha gukuza umusatsi ikanawukomeza. Iyo udafite vitamini ihagije bitera gutakaza umusatsi. Ushobora kandi kurya avoka kugira ngo wongere izo vitamini.

5.Beterave : Beterave zifitemo ubushobozi bwo kurinda gutakaza umusatsi. Iyo uyiriye ifasha imiyoboro izana umwuka mwiza n’ibiribwa bitunga umusatsi.

Ese ninde wibasirwa cyane?

Kumera uruhara bishobora gutangira mu myaka y’ubugimbi ariko rukunze kwibasira cyane cyane ku bagabo bakuze, uko imyaka igenda yiyongera niko bamera uruhara. Ikindi kandi abantu benshi bafite uruhara mu miryango yabo baba bafite ibyago byinshi byo kurugira.

Ese uruhara rushobora kwirindwa?

Nta buryo buzwi burinda kumera uruhara. Ikindi cyagaragaye nuko umunaniro ukabije ushobora gutera uruhara. Ukwiye kugabanya siteresi(sterss) , ugashaka imirimo yatuma uruhuka, nko kugenda n’amaguru, kumva uturirimbo dutuje, kandi ukajya ufata igihe uri mu bintu bishimisha.

Source: www.healthline.com

Sophie@ agakiza.org