kubera iki amata ari ingenzi mu buzima?

abantu benshi bakunda kunywa ikawa n’ibindi binyobwa bumva ko byabagwa neza. Ni byiza kubinywa ariko nta kinyobwa cyagereranywa n’amata kuko yuzuyemo intungamubiri z’ubwoko bwose zifasha umubiri kugubwa neza.

Amata ndetse n’ibindi biyakomokaho ni inking ya mwamba mu kubungabunga ubuzima buzira umuze mu mubiri w’umuntu ari nayo mpamvu tugiye kurebera hamwe impamvu ari ngombwa kunywa amata.

Amata akomeza amagufwa
Hari ubushakashatsi bwinshi bwakozwe bwemeza ko amata yongera ireme ry’amagufwa ndetse akongera calcium mu mubiri. Iyo amagufwa akomeye ntabasha
kuvunika uko yiboneye.

Igikombe cy’amata dusangamo calicium ku kigero cya 30% iyi calicium ifite umumaro wo gukomeza amagufwa ndetse n’amenyo

Amata afasha amaraso n’imikaya gukora neza
Dr. Bazillian asobanura ko calicium ari ingenzi kugirango amaraso n’imikaya bibashe gukora neza. Ni ngombwa rero kunywa amata ahagije kugirango imikaya ndetse n’amaraso bibashe kuzuza inshingano zabyo neza.

Amata afasha mu kugira ibiro bikwiriye
Kunywa amata bituma umuntu agira ibiro bikwiriye kandi bidahinduka. Ubushakashatsi bwakorerwe muri kaminuza yitwa Ben-Gurion university bwagaragaje ko abantu banywa amata baba batandukanye no guhindagurika kw’ibiro.

Amata afasha mu kurwanya umuvuduko ukabije w’amaraso
Amata yiganjemo potassiyum ndetse na sodiyumu ku kigero gishimishije aho abasha kurwanya umuvuduko ukabije w’amaraso bityo amaraso agatembera neza uko bikwiye mu mubiri.

Amata arinda indwara
Bitewe n’uko amata akungahaye kuri vitamine D na Calicium, kuyanywa birinda umubiri kwibasirwa n’indwara zimwe na zimwe.

Amata yubaka ubudahangarwa bw’umubiri
Amata yiganjemo umunyungugu witwa zinc ufite akamaro ko kongera ubudahangarwa bw’umubiri ndetse bituma umubiri ubasha kurwanya indwara ku buryo bwihuse.

Amata arinda umubiri kugira umwuma
Amata agizwe na 90% by’amazi, bityo abasha gutuma umubiri wawe utumagara. Gerageza kunywa amata buri munsi icyo gihe uzaba uciye ukubiri n’umwuma kandi uzunguka intungamubiri zitandukanye.

Amata atuma mu kanwa hamererwa neza
Kunywa amata ahagije bituma amenyo akomera kandi bikayarinda indwara. Si ibyo gusa ahubwo amata arwanya impumuro mbi mu kanwa bityo umuntu akagenda mu bandi adafite ipfunwe.

Nyuma yo gusobanukirwa akamaro k’amata, dukwiye kumenya ko ari ikinyobwa ngirakamaro mu mubiri wacu bityo tukayanywa ku kigero gishyitse kugirango twunguke intungamubiri ndetse umubiri wacu uce ukubiri n’indwara.

source: humannhealth.com