Ntituzagira icyo dukena nitwubaha icyo Imana idutegeka

“Kandi arababaza ati “Ubwo nabatumaga mudafite impago, cyangwa imvumba cyangwa inkweto, mbese hari icyo mwakennye?” Baramusubiza bati “Nta cyo.”(Luka 22:35)

Mu butumwa bwiza bwa Luka22:35 tuhasanga Umwami Yesu aganira n’abigishwa be. Uyu murongo, Yesu yarari kwibutsa abigishwa be ibyabaye igihe yabategekaga kutagira icyo bajyana , n’ibyabaye igihe bamwubahaga kakamwumvira.

Yesu yohereje abigishwa be gukora umurimo wo kwigisha ubwami bw’Imana no gukiza abarwayi. Yabasabye kutagira ikintu bajyana . Ntibasabwe kujyana ubutunzi, imifuka y’amafaranga, imyenda y’igiciro cyangwa ikindi kintu cyose batekereza ko bazakenera.

Luka 9:1-3 hatubwirako ubwambere yatanze iryo tegeko ku bigishwa be cumi na babiri:

“Ahamagara abigishwa be cumi na babiri arabateranya, abaha ubushobozi n’ubutware bwo gutegeka abadayimoni bose no gukiza indwara. Abatuma kubwiriza abantu iby’ubwami bw’Imana no gukiza abarwayi, ati “Ntimujyane ikintu cy’urugendo, ari inkoni cyangwa imvumba, cyangwa umutsima cyangwa ifeza, kandi ntimujyane amakanzu abiri.”

Iyo dusomye nanone muri Luka10:1-4 tuhasanga nanone abitegeka abantu 70 bamukurikiye:

“Hanyuma y’ibyo Umwami Yesu atoranya abandi mirongo irindwi, atuma babiri babiri ngo bamubanzirize, bajye mu midugudu yose n’aho yendaga kujya hose. Arababwira ati “Ibisarurwa ni byinshi ariko abasaruzi ni bake, nuko mwinginge nyir’ibisarurwa ngo yohereze abasaruzi mu bisarurwa bye. Nimugende, dore mbatumye mumeze nk’abana b’intama hagati y’amasega. Ntimujyane uruhago rurimo ifeza, cyangwa imvumba, cyangwa inkweto, kandi ntimugire uwo muramutsa muri mu nzira.”

Ese ibi bitwigisha iki ?

Igihe Imana idutegetse, dukwiye kuyumvira:
Umwami Yesu yahaye abamukuriyiye amategeko ko kutagira ibyo bajyana mu butumwa mu bihe bibiri bitandukanye. Abigishwa be barumviye kugirango bashobore gukora icyo yashakaga ko bakora, bagombaga kumwumvira bakamwubaha.

Yesu yababwiye kutagira icyo bajyana ngo bibe aribyo bashyiraho umutima bityo bikaba byabibagiza ibyo bagiye gukora . Barumviye bajya mu murimo, bigisha ubutumwa bwiza, bakiza abarwayi kandi ntacyo bakennye.

Igihe twumviye itegeko ry’Imana, tubona umusaruro: Igihe abigishwa bumviraga itegeko Kristo yari abahaye, ntacyo babuze. Bubashye itegeko rye ryabasabaga kutagira ikindi kintu bajyana ari amafaranga, imyenda … kandi ntacyo bakennye. Babonye umwanya uhagije wo kwigisha ubutumwa bwiza no gukiza abarwayi babishyizeho umutima.

Kubaha itegeko rya Kristo bizadufasha kubona umusaruro atwifuzaho.

Ntidukwiye kwiringira iby’isi bishira, ahubwo dushyire ibyiringiro ku Mana: Luka 22:36-38 hatubwira ko Yesu yabasabye kujyana ibyo bari bafite byose. Yabasabyeko badakwiye kwiringira ubukungu bw’isi, no guhangayikishwa n’aho bakura ubutunzi no kutita ku mitungo y’isi niba bashaka kumwubaha. Muyandi magambo, ijambo rye riratwigisha ko tudakwiye kwemerera ibyifuzo byacu ngo bimwimure: Ibizadutunga , aho tuzaba, ibyo tuzambara,n’ibindi.

Dukwiye guhanga amaso Yesu, tukumvira ibyo adutegeka igihe cyose kuko ari byo bibyara inyungu zihoraho ziruta izo mu isi zishira.

Sophie @agakiza.org