’Ugushyingo’ kuzakubere ukwezi ko gukomeza(...)

Kwamamaza

agakiza

’Ugushyingo’ kuzakubere ukwezi ko gukomeza ubusane n’Imana kurushaho-Dr Paul Gitwaza


Yanditswe na: Ubwanditsi     2021-11-01 07:29:00


’Ugushyingo’ kuzakubere ukwezi ko gukomeza ubusane n’Imana kurushaho-Dr Paul Gitwaza

Nkwifurije ukwezi kwiza k’Ugushyingo’

Kuzakubere ukwezi ko gukomeza ubusane n’Imana kurushaho, kuba umwe no kugira ijwi rimwe turwana intambara nziza yo kwizera.

"Erega nzi ibyo nibwira nzabagirira! Ni amahoro si bibi, kugira ngo mbareme umutima w’ibyo muzabona hanyuma. Ni ko Uwiteka avuga. Kandi muzanyambaza, muzagenda munsenga nanjye nzabumvira." Yeremiya‬ ‭29:11-12‬

Urugendo urimo ruhishe byinshi k’ubuzima bwawe, ariko uri umutsinzi no kurushaho. Ntucogore kuko Uwiteka hari imiryango agufunguriye kandi aravunga ngo "Nzongera ibyawe nguhe umugisha utagabanije".

Ingorane Yosefu yahuye nazo ni nyinshi, ariko zerekana uko yahagaze ashikamye mu kwizera, abasha guhangana n’inzitizi zose. Nawe waba uri nka Yosefu. Imana ikwambike imbaraga z’Umwuka Wera zikurinde gucika intege kugira ngo ubashe gutsinda ibigeragezo byose.

"Nuko rero uwibwira ko ahagaze, yirinde atagwa. Nta kigeragezo kibasha kubageraho kitari urusange mu bantu, kandi Imana ni iyo kwizerwa kuko itazabakundira kugeragezwa ibiruta ibyo mushobora, ahubwo hamwe n’ikibagerageza izabacira akanzu, kugira ngo mubone uko mubasha kucyihanganira." 1Abakorinto 10:12-13

Uwiteka akurinde nkuko yarinze Yosefu igihe yagambanirwaga n’ubwoko bwe. Nubwo waba uri mu bigoye cyangwa ibikuruhije, komeza utumbire Imana, usabire umugisha abakurenganya kandi ubagirire neza.

Ndagusabira umugisha wo gutera imbere mu buryo bufatika ndetse n’icyo uzakora cyose kizunguke mu izina ry’Umwami Yesu Ckristo. Mbisabiye n’umuryango wawe, itorero ryawe ndetse n’igihugu cyawe, Amen!

Ubutumwa bwa Dr Intumwa Paul Gitwaza muri uku kwezi kwa 11 dutangiye, yabwifurije abizera bose.

Reba hano inyigisho ye: CHURCH ARISE AS A GREAT ARMY WITH ONE VOICE With Apostle Dr. Paul M. Gitwaza

Daniel@agakiza.org

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?